PINANGUNAHAN ng NBA player na si Jordan Clarkson ang koponan ng Gilas Pilipinas sa laban nito sa Saudia Arabia, sa iskor na 84-46, Lunes ng gabi para sa Asian Qualifiers ng FIBA World Cup.
Nagtala si Clarkson ng 23 points, 6 assists at 5 rebounds, na nagdala sa Pilipinas sa rekord nito na 3-3 para makaungos sa Asian Qualifying round.
Bukod kay Clarkson, naging maganda rin ang performance ng local players, at maging si Kai Sotto na nakapag-ambag ng 16 points at 13 rebounds habang si Dwight Ramos ay nakasungkit ng siyam na puntos.
