HINDI tumalab ang “buntis prank” ng aktres at social media personality na si Zeinab Harake kay Ivana Alawi.
Sa bagong vlog ni Zeinab, naglaro siya, kapatid niyang si Rana at magkapatid na Ivana at Mona Alawi ng “Truth or Lie.”
Sinabi ni Zeinab na buntis siya at sinagot siya ng “lie” ng Alawi sisters.
Nagulat naman sina Ivana at Mona nang ideklara ni Zeinab na “true” na buntis siya.
Para patunayan ang sinabi, nagpakita si Zeinab ng resulta ng “pregnancy test.”
Sinopla naman siya ni Ivana.
“Huwag mo akong pinagloloko, ovulation test ‘yan e! Nago-ovulate ka pa lang, wala pang nabubuo. Huwag mo akong pinagchacharot,” ani Ivana.
“Ang hirap palang mag-prank dito… Hindi joke lang, tama siya ‘lie’,” pag-amin ni Zeinab.
Zeinab buntis daw; Huwag mo kong pinagloloko – Ivana
