TINIYAK ni Laguna Goverrnor Ramil Hernandez ang landslide win the tambalang dating Senador Bongbong Marcos Jr at Davao City Mayor Sara Duterte sa lalawigan sa darating na May 9 elections.
Ito ay matapos daluhan ng libo-libong taga Laguna ang rally ng UniTeam nitong Huwebes sa Binan Football Field, Binan City, kung saan pormal ding inendorso ni Hernandez sina Marcos at Duterte.
Ang Laguna ang pang-apat na vote-rich province sa bansa na may kabuuang 2,045,687 rehistradong botante.
“Buong pamunuan ng PDP-Laban kasama po ng iba pang mga partido na nandito ay nagkakaisa para po sa iisang layunin, si Governor Hernandez po bilang pangulo ng PDP-Laban Laguna, ang akin pong presidente at vice president ay BBM-Sara. Akin po ang karangalan na ipakilala sa inyo ang presidente nating lahat, President Ferdinand ‘Bongbong’ Marcos Jr.,” ayon kay Hernandez.
