NAGPOSITIBO na rinsa Covid-19 sina Senador Joel Villanueva, JV Ejercito at Nancy Binay.
“Tested positive for COVID-19 according to RT-PCR yesterday morning test, result of which was e-mailed late last night,” sabi ni Ejercito sa kanyang post.
Idinagdag ni Ejercito na siya ay asymptomatic..
Huwebes ng gabi sinabi naman ni Villanueva na nagpositibo na rin siya sa coronavirus.
Sinabi naman ni Binay na nagpa-antigen test siya matapos na ma-expose kay Villanueva na nagpositibo sa virus.
Pitong senador na ang tinamaan ng virus simula nang magbukas ang sesyon ng Senado.
Bukod kina Binay, Ejercito at Villanueva, nagpositibo rin sina Senador Imee Marcos, Alan Peter Cayetano, Grace Poe, at Cynthia Villar.
Ipinag-utos ni Senate President Juan Miguel Zubiri ang pag-disinfect sa buong gusali ng Senado.
