NAGPAHIWATIG ang showbiz insider at vlogger na si Ogie Diaz na posibleng magkabalikan sina Bea Alonzo at Dominic Roque.
Sa latest edition ng kanyang online talkshow na “Showbiz Update,” sinabi ni Ogie na “napanaginipan” niya na “inaayos” ng dating magkasintahan “para maging okay sila ulit.
“Napanaginipan ko na si Dominic at saka si Bea nagkita bago mag-Singapore si Bea. Si Dominic pumunta sa bahay ni Bea bago mag-Singapore. Pilit nilang inaayos ‘yung problema,” kuwento niya.
“Okay na sila. Basta nagkaayos na sila. Kaso…doon sa panaginip ko, nakarating sa mommy ni Bea Alonzo na nagpunta doon si Dominic. Siyempre parang pinagsabihan si Bea,” dagdag ni Ogie.
“Tapos nu’ng nag-Singapore, pag-uwi, nagkita ulit si Bea at si Dominic sa panaginip ko. Dumalaw ulit si Dominic sa bahay. Pero ang nakakaloka nito habang nananaginip ako, kinikilig ako. Kasi sa panaginip ko, nagkabalikan sila… sa panaginip ko lang ‘yun a,” chika pa niya.
Bea, Dominic nagkabalikan?
