SHINARE sa publiko ni Herlene Nicole “Hipon” Budol ang mga ganap sa kanyang graduation ngayong araw.
Nagtapos ang aktres na kandidata sa Binibining Pilipinas 2022 ng BS Tourism Management sa College of Saint John Paul II sa Cainta, Rizal.
Sa video na ibinahagi niya sa Facebook, makikita na hawak ni Hipon ang litrato ng kanyang lola Bireng na sumakabilang-buhay kamakailan.
Kasama niyang dumalo sa graduation ang kanyang lolo Oreng.
