PANSAMANTALANG isinara ang campaign headquarters nina presidential aspirant Ferdinand “Bongbong” Marcos Jr. at running-mate niyang Davao City Mayor Sara Duterte-Carpio makaraang magpositibo sa Covid-19 ang ilang staff members.
Ayon sa spokesperson ni Marcos na si Vic Rodriguez, ipinag-utos ng kanyang amo na isara ang BBM-Sara UniTeam headquarters “until further notice” dahil 20 tauhan nila ang nadale ng nakahahawang sakit.
Habang nakasara ay idi-disinfect ang tanggapan, dagdag ni Rodriguez.
“BBM also ordered the deferment of all activities of the UniTeam starting today until January 15 this year,” aniya pa.
“However, campaign preparations and other administrative functions of the UniTeam will proceed non-stop through work-from-home arrangements and virtual meetings of the concerned staffers and campaign personnel,” sabi naman ni Rodriguez sa isang kalatas.
“In this regard, all public appearances, sorties and assemblies of the BBM-Sara UniTeam will be postponed during the said period,” dagdag niya.
Kapwa nagkaroon ng Covid-19 sina Marcos at Duterte-Carpio.