“IN God’s perfect time” bago naging “soon” ang sagot ni Ray Parks Jr. sa mga nagtatanong kung kailan niya aayain ng kasal ang girlfriend na si Zeinab Harake.
Sa kanyang Facebook live, kinulit si Ray ng kanyang mga followers na naiinip na sa proposal niya kay Zeinab.
“Huwag n’yong pangunahan. Maghintay kayo,” sabat ng kaibigan niyang si Zel Bautista ng bandang December Avenue na kasama niya sa live.
“In God’s perfect time,” hirit naman ni Ray.
Maya-maya ay isinagot naman niya na “soon” sa mga fans na nagsasabing gusto na nilang maging legal ang pagiging daddy niya sa mga anak ni Zeinab na sina Lucas at Bia.
Sa pag-uusap nila ni Zel, inilarawan niya si Zeinab na isang “totoong tao.”
“Genuine heart talaga ‘yung what I fell in love with,” ani Ray.
