NAMATAY matapos ma-stroke ang entertainment editor at dating TV host na Ricky Lo noong Lunes ng gabi. Siya ay 75.
Alas-10 nang atakihin si Lo, ayon sa kapatid na si Susan Lee.
Ilang dekadang entertainment editor si Lo ng Philippine Star, kung saan mababasa rin ang kanyang kolum.
“It is with deep sorrow that we announce the passing of our beloved Entertainment editor and columnist Ricky Lo on May 4, 2021,” ayon sa kalatas ng Star.
Ilan sa mga naging programa sa TV ni Lo ang “The Buzz”, “Showbiz Stripped”, “The Ricky Lo Exclusives”, at “Startalk”.
