BINATI ni John Lloyd Cruz ang kanyang ex-girlfriend na si Ellen Adarna at si Derek Ramsay sa engagement ng mga ito.
Chika ni Derek, nagkita silang dalawa ni Lloydie nang sunduin niya ang anak nila ni Ellen na si Elias sa bahay nito.
“Nagkita nga kami ni John Lloyd one time. Binati nga kami ni John Lloyd. So very active naman siya, siya nga ang pumupunta rito,” sey ni Derek.
“Timing, eh. Maaga siya sumundo, gising na ako. Nakita ko siya sa labas. Lumabas ako para bumati din. Bati siya sabi niya, ‘Congratulations’,” kwento ni Derek.
Dagdag niya, walang problema sa kanya ang co-parenting nina Lloydie at Ellen kay Elias.
