KINUMPIRMA mismo ni Press Secretary Trixie Cruz-Angeles na nagbitiw na siya sa kanyang tungkulin epektibo ngayong araw.
Ayon kay Angeles, isyung pangkalusugan ang dahilan ng kanyang pagbibitiw.
“I tendered my resignation this morning, effective end of business hours today. Due to health reasons. It was a pleasure working with you,” pahayag ni Angeles.
Bago ito kinumpirma rin ni Executive Secretary Lucas Bersamin ang pagbibitiw ni Angeles ngayong araw, sa isang press conference.
Sinabi ni Deputy Executive Secretary Hubert Dominic Guevara na kalusugan ang sinabing rason ni Angeles sa kanyang pagbibitiw.
“Wala pa hong bagong Press Secretary. She tendered her resignation today. We are in the process of helping the office address her resignation, so yun muna ang present concern. Hopefully, in the near future we will have new Press Secretary,” sabi ni Guevara.
Nauna nang nagbitiw si dating Executive Secretary Vic Rodriguez.
Kasabay nito, sinabi ni Bersamin na nagbitiw na rin si Commission on Audit (COA) Chairman Jose Calida.
Nauna nang naghain ng medical leave si Calida.
