SUSUPORTAHAN ni Pangulong Duterte sa 2022 elections sina Isko Moreno, Manny Pacquiao, Bongbong Marcos kung hindi tatakbo ang anak niyang si Davao Mayor Sara Duterte-Carpio at long-time aide na si Sen. Bong Go.
“In the end, kapag hindi tumakbo si Sara, hindi tumakbo si Bong Go because he will only run for the president if the president will run for vice-president, the President will have to choose who has the number. They will have to choose from Isko, Manny Pacquiao and Bongbong Marcos kasi wala na namang iba,” ani presidential spokesperson Harry Roque.
Nauna nang sinabi ni Duterte na posibleng tumakbo si Sara sa pagkapangulo pero hindi pa sa 2022 elections.
Ani ni Roque, mataas ang approval rating ng Pangulo kaya malaking bagay kung sino ang kanyang ieendorso.
“The presidential endorsement will be formidable. Not only that, it’s not just the endorsement, it’s the machinery of government that will be working for the anointed candidate of the president,” dagdag niya.
Samantala, sinabi ni Roque na hindi pa siya sigurado kung tatakbo siya sa susunod na eleksyon.
