RUMESBAK ang kampo ni Vice President Leni Robredo kay Interior Undersecretary Epimaco Densing III na tumawag dito na ‘lugaw” at “non-essential.”
Sa Twitter, sinabi ng tagapagsalita ni Robredo na si Barry Gutierrez na ehemplo si Densing ng Covid-19 response ng administrasyong Duterte.
“With cases rising, hospitals full, & millions struggling, instead of doing real work he makes ‘jokes,’ plays politics, & bashes someone who’s actually doing the job they’re supposed to,” ani Gutierrez.
“Di lang ito ‘non-essential.’ Ito ay pabigat,” dagdag niya.
Bago ito, tuwirang inamin ni Densing na tinawag nga niyang “lugaw” at “non-essential” ang bise presidente.
Konektado ito sa komento niya sa isyu ng viral video kung saan hinarang ng barangay officials ang Grab delivery driver na hinintay ang order niyang lugaw sa Bulacan.
“Tama iyong sinabi niya, non-essential si lugaw. Pero kung sinabi niya, essential ang lugaw, tama ‘yon. Ang lugaw. Pero si lugaw ang binanggit niya. Non-essential talaga ‘yon sa paningin namin,” aniya sa interview sa TV.
