HINDI nagustuhan ng ilang netizens ang panggagamit umano ng mga kakampinks sa mga kalabaw sa Canlaon, Negros Oriental na pinintahan ng pink sa pagbisita ni presidential aspirant Vice President Leni Robredo sa probinsya.
Ayon sa mga netizens, isang pang-aabuso sa hayop ang ginawa ng mga Leni supporters.
“Kung mkapagsasalita lng mga kalabaw, sasabihin nilang bakit sila sinasali sa mga politika na yan?”
“Anong klasing mga nilalalang itong kakampink pati mga alagang hayop di pinalagpas.”
“Napaka-supportive naman yata ng Kalabaw na yan. Sanaol, lahat ng Kalabaw ay pwede na rin Bomoto.”
“Kawawa nman ang mga hitsura ng kalabaw.”
“Anak ng kalabaw!!! Kinawawa Nyo mga kalabaw!!”
Dinepensahan naman ng mga kakampinks ang panggagamit sa mga kalabaw sa kampanya.
“Sa mga hindi nakakaalam meron pong Carabao de Colores ang Negros Oriental. Research muna bago magkomento para di mapahiya.”
“Tradisyon nila yan, research research din.”
“The paint used is safe. It is usually done during ‘Carabao de Colores.’ It is a festivity in the island of Negros, specifically in the Municipality of Vallehermoso. It is also done during the Kabo Festival in Vigan City.”
