PATAY ang umano’y snatcher nang sumemplang ang sinasakyan niyang motorsiklo matapos manghablot ng bag sa Iloilo City.
Dead on arrival sa ospital ang 31-anyos na suspek dahil sa mga tinamong sugat sa ulo at katawan.
Nasakote ang kanyang kasabwat, 23, na nagtamo ng galos.
Ayon sa pulisya, inagaw ng isa sa mga suspek ang bag ng lalaki na naglalakad sa Mandurriao district Lunes ng madaling araw.
Kumaripas ng takbo ang motorsiklo pero hinabol ito ng ilang delivery rider at tricycle driver na nakasaksi sa insidente.
Sa pagmamadali ay sumemplang ang motorsiklo.
Humampas ang ulo ng driver sa kalsada na ikinamatay nito.
