INUGA ng napakalakas na lindol ang Sarangani sa Davao Oriental Biyernes ng hapon.
Naitala ang 7.2 magnitude na lindol alas-4:14 ng hapon na may lalim na 10 kilometro, may 30 kilometro southwest ng Sarangani, ayon sa Philippine Institute of Volcanology and Seismology (Phivolcs).
Naramdaman ang Intensity VIII sa bayan ng Glan sa Sarangani at maging sa General Santos City sa South Cotabato.
Intensity V naman ang naramdaman sa Matanao, Davao Del Sur; Maasim at Malapatan sa Sarangani; Lake Sebu, Tampakan, Polomolok, at Banga sa South Cotabato.
Naitala naman ang Intensity IV sa Kidapawan City, Cotabato; Magsaysay at Davao City sa Davao Del Sur; Don Marcelino, Jose Abad Santos sa Davao Occidental; Kiamba at Maitum sa Sarangani; Norala at Tantangan sa South Cotabato; President Quirino, Lebak, Isulan, Esperanza, Columbio at Kalamansig sa Sultan Kudarat.
Asahan na ang mga pinsala na idudulot ng lindol at mga aftershocks, ayon sa Phivolcs.
