WALANG balak sumipot si dating Pangulong Duterte sa ginawang pagpapatawag sa kanya ng Quezon City Prosecutor’s Office para sagutin ang reklamong grave threat na isinampa sa kanya ni partylist Rep. France Castro ng ACT.
Ayon sa dating pangulo, mabuti pa umanong magpakulong na lang siya, kaysa sagutin ang subpoena ng prosecutor’s office na nag-uutos sa kanya na mag-appear sa tanggapan sa Disyembre 4 at 11 at magsumite ng kanyang counter-affidavit.
Sa kanyang programa sa SMNI, sinabi ni Duterte na ino-oppress daw siya ng kongresista.
“Magpakulong na lang ako. Kasi wala naman akong… Ino-oppress ako ni France,” ayon kay Duterte.
