BAGSAK sa kulungan ang lalaki na nahuling umiskor ng shabu gamit ang natanggap na ayuda sa Quezon City kahapon.
Hindi naman pinangalanan ang suspek, residente ng Brgy. Matandang Balara, na nadakip ng mga barangay tanod dahil sa paglabag sa curfew.
Nang kapkapan ay nakuha sa suspek ang P150 halaga ng shabu.
Napag-alaman na kakukuha pa lamang niya ng P4,000 ayuda ng hapon na iyon.
Sinabi naman ng suspek na P1,000 lang ang ipinambisyo niya at ang natirang pera ay ibinigay niya sa kapamilya.
Inihahanda na ang kasong drug possession laban sa suspek.
