ANIM na miyembro ng New People’s Army ang nasawi nang makipagbakbakan sa tropa ng pamahalaan sa Barangay Gatuslao, Candoni, Negros Occidental Huwebes ng madaling araw.
Hindi pa nakikilala ang mga napatay na rebelde, ayon sa Philippine Army 3rd Infantry Division.
Ayon sa report, nagkasagupa ang mga rebelde at tropa ng 47th Infantry Battalion at 15th Infantry Battalion alas 3:40 ng madaling araw sa Sitio Cogon.
Tumagal ang bakbakan ng 40 minuto na ikinasawi ng anim na rebelde.
Nakumpiska rin sa enkwentro ang walong matataas na kalibre ng baril.
Wala namang napatay sa panig ng mga sundalo.
