KUNG paniniwalaan ang psychic na si Rudy Baldwin, isang sikat na aktres ang mag-aagaw buhay makaraang pagsamantalahan habang isang vlogger ang mamamatay dahil sa cancer.
Sa panayam ni Korina Sachez, isinapubliko ni Baldwin na nag-aalala siya para sa kaligtasan ng isang batang aktres na ang pangalan ay nagsisimula sa letter M.
“Isang aktres ang mare-rape at mag-aagaw buhay at maaaring mamatay,” pahayag niya base sa mga pangitain.
“Maliit lang siya. Ang aktres na ito ay recently na-involve sa cheating issue at ang kanyang pangalan ay nagsisimula sa M,” dugtong ni Baldwin.
Marami naman ang malulungkot sa pagkamatay ng isang sikat na vlogger dahil sa sakit, isa pang prediksyon niya.
“Meron isang vlogger, isa rin siyang artista, maganda, sexy, at dalawa lang silang magkapatid na babae at isang lalaki at ibang lahi yung papa niya.
“Nagkaroon na siya ng issue sa health niya, although naayos naman. Pero lumipas ang ilang ano, bigla siyang nag shutdown, so nagkaroon ng cancer ang katawan niya pero hindi siya nagamot.
“Kahit gaano pa kadami ang pera niya hanggang doon lang talaga siya wala akong nakikitang kadugtong,” lahad ng psychic reader at dream translator.
