KINILALA ng Adamson University ang tagumpay ni Karl Eldrew Yulo sa katatapos na 3rd JRC Artistic Gymnastics Stars Championships 2024 sa Bangkok, Thailand.
Nasungkit ni Eldrew ang apat na gintong medalya mula sa Individual All Around, Floor Exercise, Still Rings at Vault categories habang dalawang silver mula sa Parallel Bars at Team categories.
Ibinahagi ng ina ni Eldrew na si Angelica ang Facebook post ng Adamson University ukol sa courtesy call ng gymnast sa pangulo ng paaralan.
Kasalukuyang nasa Grade 11 ng Adamson University si Karl Eldrew.
Bago ito, binati si Eldrew ng amang si Mark Andrew sa kanyang “winning moment.”
“Tahimik mong ipanalo ang mga pangarap mo Anak Karl Jahrel Eldrew Yulo. Naway gabayan ka nang Maykapal sa inyong mga Laban. Dito lang Kame nang Mama mo. Apir!” wika ni ama sa post nito sa Facebook.
