MADAMDAMIN ang birthday message ni box office queen Kathryn Bernardo sa kanyang ina na si Min sa kaarawan nito kamakailan.
Sa kanyang Instagram post, sinabi ni Kathryn na ang kaligayahan niya ay ang mapasaya ang kanyang mommy.
“They say you can’t choose your family, but if I had the chance, I’d still choose you to be my mom-over and over again,” panimula ni Kathryn.
Inamin niya na hindi perpekto ang kanilang relasyon dahil sa “lots of fights and misunderstandings” pero iyon ang nagpatatag sa kanila.
“They made me love you even more,” dagdag niya.
Nagpasalamat din ang aktres sa ina sa ginawa nitong paghubog sa kanya bilang tao.
“You’re a big part of who i am today, Mama. We don’t say it much, but we love you dearly. Your happiness will always be my happiness. Happy Birthday!” sambit ni Kath na inilarawan ang sarili bilang “the most kulit and stressful one.”
