MAY naisip nang pangalan ang mag-asawang Jessy Mendiola at Luis Manzano sa susunod nilang baby.
“Kahit pa girl or boy, Ocean. Mahilig talaga kami sa dagat, sa tubig, and we are beach lovers. So talagang sabi ko, ‘Puwede ‘no? Sa girl or sa boy, Ocean. Ocean Tawile Manzano,” ani Jessy sa “Fast Talk with Boy Abunda” ngayong Biyernes.
Sa panayam ni Boy, sinabi ni Jessy na gusto nila ni Luis nang maraming anak.
“Gusto ko talaga ng maraming anak, Tito Boy. Kung kaya ko lang talaga nang sabay-sabay.”
Sa katunayan, madalas nang i-request sa kanya ni Luis ang ikalawang baby.
“‘Pag nakikita niyang naglalakad na si Peanut, palagi niyang sinasabi, ‘You want to be an ate, anak?’ Palaging ganoon na. So parang sasabihin niya sa ‘kin, ‘Ano, love? Puwede na ba?’” dagdag ni Jessy.
“So parang ako, oo naman. Siyempre kung ibigay ni Lord, ‘di ba? Bakit naman hindi?” sambit pa ng aktres.
Jessy, Luis ready na kay baby number 2: Ocean Tawile Manzano!
