FLINEX ng aktor na si Jericho Rosales na isa na siyang opisyal na miyembro ng fan club ng rumored girlfriend na si Janine Gutierrez.
Ibinandera ni Jericho sa Instagram ang larawan niya na hawak ang tarpaulin ni Janine na nilakipan niya ng caption na, “Dear @janinegutierrez, I joined your fans club. Feel better soon.”
Napa-“OMG” naman ang aktres nang makita ang post ng boyfriend.
Ani Janine, ilang araw nang masama ang kanyang pakiramdam.
“Been feeling under the weather and my doctor requested for a blood test this morning….as always make sure to take care of yourselves this crazy holiday season!” sey ng aktres sa isang social media post.
Bago ito, sinagot ng aktres ang isang netizen na pinuna ang umano’y “grabeng pagkaka-edit” ng mga larawan niya para sa kalendaryo ng isang brand ng beer.
“I can see how this can be confusing! we shot the calendar in October and the launch was in December:) In those two months, I went to Japan for the film festival, attended thanksgiving parties for our show, and really took a break from strict diet and workout. I always take it easy during the holidays and enjoy my body in its different shapes, you should too!” paliwanag ni Janine.
