PROUD na ibinahagi ni Jake Zyrus ang kanyang hubad na katawan sa Instagram at sinabi niyang confident na siyang ibilad ito sa publiko.
Ani Jake, ang dating Charice Pempengco, sa kanyang Instagram post:
“Pinag-isipan kong maigi kung ipo-post ko ba ‘to. Kasi lagi kong iniisip kung anong sasabihin ng ibang tao. Sa ilang taon na nag-transition ako, masaya ako sa naging takbo ng buhay ko, pero lagi parin akong nai-insecure sa katawan ko. Siguro dahil na rin sa standard ng karamihan.
“Pero ngayon, palalayain ko na lahat yun. Pagtawanan mo o hindi, hindi mo alam ang sakit, iyak at mga dugo na pinagdaanan ko bago ako nagkaroon ng confidence na buong buo ko i-post ito.
“Masaya ako at gusto ko lang ipakita sa inyo na eto ako. Sa wakas, komportable sa nakikita ko. Hindi ako humihingi ng opinyon. Para ito sa mga kapwa ko transgender. Kung naghahanap kayo ng sign o confidence para ipakita at maging proud sa kung sino ka, tara sasabayan kita. Para sayo to.
“Kung hindi ka man handa pa, okay lang din yun. Lahat yan may tamang panahon.
“Well. This is me guys. Mahal ko kayong lahat.”
