INAMIN ni “Magandang Dilag” star Herlene Budol na nasasaktan siya noon kapag tinatawag siyang “Hipon Girl.”
“Parang hindi naman deserve ng tumawag sa akin, ha?” ani Herlene nang tanungin ni Boy Abunda kung nao-offend siya kapag tinatawag siyang “maganda katawan, tapon ulo.”
“Nagtatanong din ako sa sarili ko, ‘Ganoon ba ako kapangit?’” dagdag niya.
Agad naman siyang naka-get over sa bansag sa kanya dahil “napagkakakitaan ko na siya. Ay, I love Hipon!”
Ngayon nga ay hindi na “hipon” kundi “Magandang Dilag” ang ikinakabit sa kanyang pangalan.
“Noong tinatawag na akong ‘Magandang Dilag,’ doon ko naramdaman ulit ‘yung respeto. Hipon turned to ‘Magandang Dilag,’ na-boost ulit ‘yung confidence ko na, puwede palang magbago ang isang bagay,” paliwanag niya.
