KINUKUMBINSE ng netizens ang aktres na si Chie Filomeno na kasuhan ang nambato sa kanya sa isang show sa Dubai.
Sa video na ibinahagi ng Facebook page na Setrocal TV, makikita na ini-interview si Chie ng mga host ng DSF Al Rigga Night Market event nang hagisan siya ng isang pen ng hindi nakilalang miyembro ng audience.
Nagulat ang aktres nang tumama ang pen sa kanyang hita.
Napangiti na lang siya nang makita kung ano ang inihagis sa kanya.
Pinagalitan naman ng mga host ang nambato.
Nagkakaisang reaksyon ng publiko: sampolan ang nambato sa aktres.
“Ipakulong mo Chie, bigyan ng leksyon maghimas ng rehas.”
“Ang sakit namn nyan. Nagtatrabaho ka lang ganyan kung bastusin. Sana maaresto.”
“Parang ilang beses na syang naganyan. Kawawa naman si chie.”
“Thank goodness hindi sa mata tumama. If you don’t like a person no need to be an a$5.”
