ISA nang ganap na meme ang topless na lalaki na may suot ng ulo ng buwaya at naispatan sa overpass sa Quezon Avenue sa Quezon City.
Pinaniniwalaang promotion para sa GMA action series na “Lolong” ang ginawang pagrampa ng lalaki, na ipinalalagay namang si Ruru Madrid, sa kahabaan ng highway.
Magbabalik si Ruru sa ikalawang season ng nasabing hit Kapuso series.
“DAKS, SPOTTED NA PAGALA-GALA?!” caption ng GMA Public Affairs sa ipinost nitong mga larawan sa Facebook.
Naikonek naman ng mga netizens sa mga politiko ang karakter na buwaya at sinabing patungo ito sa Batasan Complex.
“Uy may congressman sa footbridge.”
“Jusmee anong ginagawa ng congress member jan? Nagiisip na naman yan aling kalsada gibain para makapangikil!”
“Mabuhay po kayo congressman!”
“Dapat sa congreso xa punta,nandoon ang marami nya kasama.”
“Andun po sa Batasan Complex ang ka pamilya ninyo. Matagal na po kayong hinahanap. Umuwi na po kayo.”
