MAY good news at not-so good news ang talent manager na si Ogie Diaz ukol kay Angel Locsin.
Sa kanyang online show “Showbiz Update,” sinabi ni Ogie na going strong ang marriage nina Angel at Neil Arce.
“Sila pa rin po,” aniya sabay biro na, “Gusto niyo ba silang maghiwalay? Gawan n’yo ng paraan.”
Dagdag-chika ni Ogie: “Happy naman daw si Angel na talagang wala muna siyang socmed. And si Angel, nililibang ang sarili. Kumbaga, binibigyan niya ng panahon ang sarili niya –nagge-games siya sa phone.” “So ‘yun ang mga pinagkakaabalahan ni Angel, mga online games. ‘Yun ang importante, happy,” sey pa ng vlogger.
E ano ang not-so good news?
“‘Yung pagbabalik-showbiz (ni Angel), baka for now hindi muna,” pahayag ni Ogie.
Sambit niya, pabayaan muna ng publiko na magpahinga ang award-winning at box office actress.
“Diyos ko, ‘di ba ‘nung nag-aartista si Angel, hataw naman talaga?” sabi ni Ogie.
Angel hindi pa ready sa showbiz comeback
