ISA ang patay habang lima ang sugatan nang sumambulat ang isang granada sa bayan ng Matalam, North Cotabato ilang minuto bago mag Bagong Taon, ayon sa ulat ng PNA.
Naganap ang pagsabog alas-11:50 ng gabi sa mataong lugar sa isang carnival sa Sitio Condring, Barangay Marbel, ayon kay Vice Mayor Ralph Ryan Rafael.
Ang nasawi ay isang 30-anyos na lalaki.
Kasalukuyang iniimbestigahan ng pulisya ang insidente.
