KINUMPIRMA ni Guiguinto, Bulacan Mayor Ambrosio Cruz Jr. na nagsasagawa ng survey ang mga volunteers sa Bulacan para makakalap ng lagda upang makumbinse si Davao City Mayor Sara Duterte-Carpio na tumakbo bilang pangulo sa 2022 elections.
Sa isang panayam, sinabi ni Cruz na target ng “survey” ang 17 milyon lagda.
“They’re testing the pulse of the nation because I was told that the required signature is about 17 million. I think we have 15 and they are asking for more,’ ani Cruz.
Itinanggi naman niya na inutusan niya ang mga barangay chairmen na magsagawa ng signature campaign.
“This group of volunteers is actually going around Bulacan and asking the barangay captains if they can help. It’s purely out of the spirit of volunteerism,” paliwanag niya.
“There’s no letter from the municipality. I think it’s the initiative of a lot of volunteers going around Bulacan,” dagdag niya.
Kahapon ay isiniwalat ni dating Bayan Muna party-list Rep. Teddy Casiño na nagpadala ng mga forms sa homeowners association sa Baliuag, Bulacan ang isang barangay chairman na nanghihingi umano ng suporta para sa pagtakbo ni Carpio.
“The forms presented to your good office is a sign that you are willing to support Ms. Sarah Duterte on the upcoming Presidential Election,” ang mababasa sa bahagi ng survey.
Giit ni Casiño, tila nangangampanya na ang mga tagasuporta ng presidential daughter.
