NAGDADALAMHATI ang Palasyo sa pagpanaw ni Philippine Ambassador to China Jose Santiago “Chito” Sta. Romana.
Kinumpirma ng Department of Foreign Affairs (DFA) ang pagpanaw ni Sta. Romana.
“Nagdadalamhati po kami sa pagyao ni Philippine Ambassador to China, His Excellency, Jose Santiago “Chito” Sta. Romana. Nagbibigay-pugay kami kay Ambassador Sta. Romana sa kaniyang mga nagawa para tumibay ang Philippine-China relations. Our thoughts and prayers to the Sta. Romana family,” sabi ni Acting Presidential Spokesperson Martin Andanar.
Inaayos na ng konsulado sa Beijing ang pagpapauwi sa Pilipinas ng mga labi ni Sta. Romana.
Itinalaga ni Pangulong Duterte si Sto. Romana bilang Ambassador noong Disyembre 7, 2016.
“Under his distinguished tenure, Philippine-China relations flourished despite differences; indeed they flowered all the more in maturity and were deeply strengthened. We honor his important legacy of selfless service to the Filipino in the most challenging foreign post,” sabi ng DFA.
