KINUMPIRMA ng kampo ng Korean superstar na si Song Joong-ki na isang British national ang bago niyang dine-date tatlong taon matapos makipag-divorce sa dating misis at co-star sa hit K-drama na “Descendants of the Sun” na si Song Hye-kyo.
“Actor Song Joong Ki is currently seeing a woman with positive feelings. We hope that you will look warmly upon their relationship,” sabi ng agency ni Joong-ki na High Zium studio sa isang pahayag ngayong Lunes.
Nauna nang namataan si Joong-ki kasama ang isang babae sa Singapore noong Disyembre 7 kung saan ipinakilala pa niya ito sa kanyang mga staff.
“We ask for your understanding in regards to the fact that we cannot confirm any information aside from the fact that they are dating, and we would be grateful if you refrained from publishing any speculative or unconfirmed reports,” dagdag ng agency ni Joong-ki.
Ikinasal si Joong-ki at Song Hye-kyo noong Oktubre 31, 2017 at naghiwalay noong Hunyo 26, 2019.
Kabilang sa mga hit drama ni Joong-ki ang “Reborn Rich,” “Vincenzo,” “Space Sweepers,” “The Battleship Island,” “Arthdal Chronicles,” “Innocent Man” at “A Werewolf Boy.”
