WALANG balak tumakbong pangulo sa ilalim ng PDP-Laban si Davao City Mayor Sara Duterte, ayon sa spokesperson ng alkalde na si Liloan Cebu Mayor Cristina Garcia Frasco.
“Mayor Sara has no intention of becoming a member of PDP or of being its standard-bearer now or in the near future,” ayon kay Frasco.
Nitong Sabado sinabi ng ama ni Duterte-Carpio na si Pangulong Rodrigo Duterte na tatakbo ang mayor sa pagkapangulo sa darating na eleksyon at si vice president aspirant Senador Christopher “Bong” Go ang kanyag magiging running mate.
Gayunman, posibleng i-adopt ng PDP-Laban si Sara o kaya naman ay sumali ang alkalde sa administration party, ayon kay Frasco sa panayam nito sa ABS-CBN.
“That is a possibility, she can opt to rejoin PDP. That will be an open option…We can adopt a candidate who is aligned to our advocacies. Puwede po mangyari yun,” dagdag ni Frasco.
Bukod dito, naghain na rin si Sara ng kanyang COC bilang mayoralty reelectionist hindi sa ilalim ng PDP-Laban.
“Mayor Sara Duterte has already filed her certificate of candidacy for mayor. Not being a member of PDP-Laban, she is not privy to the party’s sudden change of plans.”
