TINANGGAL si Senate Majority Leader Juan Miguel “Migz” Zubiri sa listahan ng mga kumakandidatong senador sa ilalim ng tandem nina Vice President Leni Robredo at Senator Francis “Kiko” Pangilinan matapos mag-endorso ng ibang kandidato sa pagkapangulo.
Kamakailan ay ipinakilala ni Zubiri si Marcos na “our president.”
Sinabi ni Barry Gutierrez, spokesperson ni VP Leni, na 11 na lamang ang matitira sa opisyal na listahan ng Leni-Kiko tandem.
Kabilang sa mga natira ay sina Sen. Leila De Lima, Sen. Risa Hontiveros, Sen. Richard Gordon, Sen. Joel Villanueva, dating Vice President Jejomar Binay, dating senador Antonio Trillanes IV, dating Ifugao Representative Teddy Baguilat, Sorsogon Governor Chiz Escudero, at ang mga abogado na sina Alex Lacson, Chel Diokno, at Sonny Matula.
Nauna nang tinanggal si Zubiri sa listahan ng mga kandidato sa pagkasenador ng tambalan nina Sen. Panfilo Lacson at Senate President Vicente Sotto III dahil din sa pag-eendorso niya sa kandidatura ni Marcos.
Sa pagsuporta kay Marcos, Zubiri sibak sa Leni ticket
