DUMISTANSIYA si Defense Secretary Delfin Lorenzana sa naging pahayag ni retired military general Antonio Parlade, Jr. matapos banggitin ang kanyang pangalan sa umano’y pagdidikta ni Sen. Christopher “Bong” Go.
“Ako po ay nagulat din kung bakit nadawit ‘yung pangalan ko doon. Ang sabi ko pagkatapos po nang mapanood — mapakinggan ko ‘yung kanyang interview ay tinawagan ko siya kung bakit sinasali niya ako sa kanyang political ambition,” sabi ni Lorenzana sa kanyang ulat sa Talk to the People ni Pangulo ng Duterte.
Idinagdag ni Lorenzana na walang basehan ang alegasyon ni Parlade.
“General Parlade’s statement is baseless. In the years, I have known the President, he has always been his own man. The President stands by his own decisions, has always been firm in his directives to us, who are working for him, and is not as easily swayed or influenced by others as purported by the general,” dagdag ni Lorenzana.
