PLANO ng kampo nina Partido standard bearer at Senador Panfilo Lacson at vice presidential bet at Senate President Tito Sotto na bawasan ang kanilang mga kandidato sa pagkasenador.
Kasalukuyang nasa 14 ang nasa senatorial slate nina Lacson at Sotto.
Kabilang dito sina:
* Antique Rep. Loren Legarda (NPC)
* Former Senator Joseph Victor “JV” Ejercito (NPC)
* Sorsogon Governor Francis “Chiz” Escudero (NPC)
* Former Quezon City Mayor Herbert Bautista (NPC)
* Former Agriculture Secretary Manny Piñol (NPC)
* Sen. Sherwin Gatchalian (NPC)
* Sen. Joel Villanueva
* Sen. Juan Miguel “Migz” Zubiri
* Former Vice President Jejomar “Jojo” Binay
* Dr. Minguita Padilla (Reporma)
* Former Makati Rep. Monsour del Rosario
* Former Philippine National Police Chief Guillermo Eleazar
* Broadcaster Raffy Tulfo
* Information and Communications Secretary Gregorio Honasan
Ayon kay Lacson, dalawa hanggang tatlong kandidato ang kanilang buburahin sa kanilang listahan.
“Magtatanggal kami ng dalawa, tatlo. Paano kami magka-campaign ng vote straight kung 15 [ang candidates],” ayon kay Lacson.
Pipiliin niya umano ang mga kandidatong isinusulong din ang kontra-korupsyon.
“Most especially doon sa anti-corruption,” ayon sa Partido Reporma standard bearer.
“In my view and experience, if we solve corruption in our country, at least half of our problems will be solved,” dagdag pa niya.
Sa kasalukuyan, sina Del Rosario, Eleazar at Padilla pa lamang ang sumasama sa political rallies ng Lacson-Sotto.
