INILAGAY ng Inter-Agency Task Force (IATF) ang Kalinga, Ifugao, Mountain Province sa Cordillera Administrative Region at ang lalawigan ng Northern Samar sa Alert Level 4 bunsod ng patuloy na pagtaas ng mga kaso ng coronavirus disease sa mga lugar na nabanggit.
Sinabi ni Acting presidential spokesperson Karlo Nograles na epektibo ang kautusan mula Enero 21 hanggang 31.
Samantala, iniakyat naman sa Alert Level 3 ang Apayao, Puerto Princesa City, Masbate, Siquijor, Zamboanga del Norte, Zamboanga Sibugay, Lanao del Norte, Davao de Oro, Davao Oriental, North Cotabato, Sarangani, Sultan Kudarat, Surigao del Norte, Maguindanao at Basilan.
