WALA umanong problema sa showbiz insider na si Ogie Diaz ang pag-repost at pag-like ng dati niyang alagang si Liza Soberano sa ulat kaugnay sa isinampang cyber libel case ni Bea Alonzo sa kanila ni Cristy Fermin.
Sa kanyang online show na “Showbiz Now Na,” ibinahagi ni Ogie na karapatan ni Liza na suportahan ang gusto nitong suportahan.
“Sa akin, walang problema ‘yun. Karapatan niya ‘yun e. Twitter account niya ‘yun e,” sambit ni Ogie.
Gayunman, nagpatutsada si Ogie sa dating alaga. “Kung makakatulong sa career ni Liza ‘yung pagre-repost na ‘yun, eh di i-repost niya nang i-repost,” hirit niya.
Sa huli, iginiit niya na hindi siya galit kina Liza at Bea.
