DINEPENSAHAN ni Karylle si Janella Salvador sa isyung nagmaldita ang huli nang mag-guest sa “It’s Showtime” para i-promote ang pelikula nila ni Thai actor Win Metawin na “Under Parallel Skies.”
Na-slut shamed na ay idinamay pa ng mga bashers ang anak ni Janella dahil ipinahiya raw niya si Kim Chiu nang pagsampolin siya ng kanta ng “It’s Showtime” host.
“Medyo paos ako today, kayo na lang. Next time, promise,” ani Janella sa hiling ni Kim.
Paliwanag ni Karylle, isa ring host ng noontime show, hindi raw talaga maganda ang pakiramdam ni Janella, na noon ay may pinaghahandaan ding concert.
“Siguro she’s not been able to really rest and recover properly,” ani Karylle.
“Obviously she wants to be on tip-top shape on her concert,” niya.
“It was just a little moment that parang her joke maybe to some people online they thought it meant something but you know she just really couldn’t sing at that moment,” paliwanag pa ni Karylle.
