APAT na Philippine Trogon, ang ibon kung saan ibinase umano ang “Ibong Adarna,” ang naispatan sa magkakahiwalay na lugar sa Mt. Apo Natural Park (MANP).
Ayon sa Department of Environment and Natural Resources (DENR) Soccsksargen, ito ang ikalawang engkwentro sa nasabing uri ng ibon makaraan nilang matuklasan ang pag-iral nito noong 2023.
Ang Philippine Trogon, na tinatawag ding “arak” ng mga Ovu Manuvo na naninirahan sa Mt. Apo, ang nag-iisang species ng trogon na endemic sa Pilipinas, ayon sa DENR.
“Despite its classification as a Species of Least Concern under the International Union for Conservation of Nature (IUCN), the Philippine Trogon holds immense cultural and ecological significance within the Mt. Apo Natural Park (MANP) and throughout the region,” ayon sa DENR Region XII.
Napag-alaman na para sa mga Ovu Manuvo, ang ibon ay simbolo ng kanilang koneksyon sa kapaligiran.
“The presence of the Philippine Trogon serves as an indicator of overall ecosystem health. Its sensitivity to habitat disturbances and environmental changes makes it a valuable bioindicator species,” pahayag ng kagawaran.
Kinikilala ang mga Ovu Manuvo bilang mga tagapag-alaga ng mga lupaing ninuno ng Mt. Apo.
