“A VERY BIG MISTAKE” para sa young actress na si Francine Diaz ang maling pagbasa niya sa pangalan ng K-pop group na Tomorrow X Together sa ginanap na Asia Star Entertainer Awards sa Japan nitong Miyerkules.
Iprinisent ni Francine sa Tomorrow X Together ang ASEA Global K-pop Leader award.
Nang ianunsyo niya ang winner, imbes na sabihin na “Tomorrow By Together” ay “Tomorrow Times Together” ang nasambit niya.
Agad nag-trending sa X/Twitter ang phrase na “Tomorrow Times Together” at binansagan si Francine bilang “Multiplication Queen.”
Sa Instagram Live, nag-sorry ang young actress sa grupo at sa kanilang mga fans.
“I am very sorry for that very big mistake. Pagpasensiyahan n’yo na po ako dahil hindi na po ganoon ka-updated sa mga nangyayari ngayon sa K-pop world,” sabi niya.
“But now alam ko na, na-educate na po ako: Tomorrow by Together,” dagdag ng Kapamilya actress.
