LAUGH trip ang publiko sa pagbati ng Vivamax at sa alok nitong lifetime free access para sa Olympic gold medalist na si Carlos Yulo.
Sa Facebook post, sinabi ng Vivamax na proud ang adult website sa tagumpay ni Caloy sa Paris Olympics.
“Salamat, Caloy! We are very MAX proud of you! After mo sumabak sa laban, deserve mong mag-VIVAMAX AND RELAX! Sagot na namin ang lifetime subscription mo,” chika ng Vivamax.
In-edit naman agad nito ang post at tinanggal ang linya na: “Sagot na namin ang lifetime subscription mo.”
Reaksyon ng ilang netizens: “May pagasa na tumaas ang height ni Caloy
Congrats po. “Jan kana tatangkad.”
“Ayon na. Lifetime subscription. Baka masira ang kundisyon niyan sa mga susunod na laban.”
“Parang gusto ko din mag-world champion.”
“Pag hindi nanalo yan next olympics kasalanan n’yo!”
“Yari idol caloy baka mawala condition mo niyan, iba na ang ma-condition mo.”
