GINAMIT ni Bangsamoro Queen of Pop Shaira Alimudin ang linya sa kanyang viral hit na “Selos” sa bago niyang kantang “Selos Na Yan Friend” para patamaan ang kanyang mga bashers.
Inilabas ni Shaira ang video ng “Selos Na Yan Friend” nitong Biyernes ng gabi.
Imbes na kuwento ng unrequited love ay naging “diss track” ang bagong version ng “Selos” sa mga lyrics na “Ang puso mo’y nagdurugo/ at parang sumisikip ang dibdib mo/ sa tuwing makikita mong may mas angat sa’yo/At tila ba’y hindi ka masaya pag tumataas hinihila pababa/Oh selos na yan friend.”
Gayunman, matapos i-“real talk” mga haters umapela naman si Shaira sa mga ito na “Hindi bang pwedeng peace at goodvibes na lang tayo?”
Matatandaan na binura ng production company na may hawak kay Shaira ang videos ng ilang mga kanta niya dahil sa copyright issues.
Isa rito ang “Selos” na ginaya ang melody ng “Trouble is a Friend” ng Australian singer na si Lenka.
