INIMBITAHAN ng Kamara ang may 40 social media influencers sa gagawing pagdinig ng House tripartite committee hinggil sa isyu ng fake news at disinformation sa Martes.
Ayon kay House tripartite committee chair, Sta. Rosa, Laguna Rep. Rep. Dan Fernandez, hiniling ng committees on public order and safety, public information at information and communications technology sa mga vloggers at influencers na magsalita bilang mga resource persons sa gagawing pagdinig tungkol sa paglaganap ng fake news, misinformation at disinformation sa online.
Anya, kailangan malaman ang impact nito sa general perception ng publiko at national security at kung anong mga hakbang ang maaaring gawin para labanan ito.
“Filipinos have the right to know the truth. We must protect them against our fellow Filipinos who spread misinformation that causes fear and division in our society,” ayon kayFernandez.
Ang mga inaasahang dadalo sa pagdinig ay sina Malou Tiquia, Jose Yumang Sonza, Krizette Chu, Mark Anthony Lopez, Allan Troy Sasot, MJ Reyes, Vivian Rodriguez, Ethel Pineda, Lorraine Badoy-Partosa, Jeffrey Celiz, Lord Byron Cristobal (Banat By), Alex Destor (Tio Moreno), Aaron Peña (Old School Pinoy), Glen Chong, Manuel Mata Jr. (Kokolokoy), Elizabeth Joie Cruz (Joie De Vivre). Claro Ganac, Claire Eden Contreras (Maharlika Boldyakera), Jonathan Morales, Cyrus Preglo (Optics Politics), and Maricar Serrano.
Kasama rin sa inimibitahan sina Ernesto Abines Jr. (Jun Abines), lawyer Trixie Cruz Angeles, Julius Melanosi Maui (Maui Spencer), Darwin Salceda (Boss Dada TV), Elmer Jugalbot (Eb Jugalbot), Cathy Binag, MJ Mondejar, Suzanne Batalla (IamShanwein), Joe Smith Medina (Political Witch Boy), Jeffrey Cruz (JCCO/ JJ Cruz), Alven Montero, Kester Ramon John Balibalos Tan (Mr Realtalker), Edwin Jamora (Reyna Elena), Ma Florinda Espenilla-Duque (Pebbles Duque), Dr. Richard Tesoro Mata (Dr. Richard and Erika Mata), Ahmed Paglinawan (Luminous by Trixie & Ahmed), Ryan Lingo, lawyer Enzo Recto (Atty. Ricky Tomotorgo) and Ross Flores Del Rosario (Wazzup Philippines).
