NAGLULUKSA ang showbiz industry sa pagpanaw ng manunulat at direktor na Carlo J. Caparas sa edad na 80 nitong Biyernes.
Kinumpirma sa Facebook post ni Peach Caparas ang pagyao ng ama.
Ilan sa isinulat ni Carlo ang mga komiks classics na “Ang Panday,” “Bakekang,” “Totoy Bato,” “Joaquin Bordado,” “Tasya Fantasya,” “Gagambino,” “Pieta,” at “Ang Babaeng Hinugot sa Aking Tadyang.”
Siya rin ang nagdirek ng mga “massacre films” noong 1990s tulad ng “The Vizconde Massacre: God, Help Us!,” “Lipa Massacre: Lord, Deliver Us from Evil,” “The Cecilia Masagca Story: Antipolo Massacre – Jesus Save Us!”
