NAPA-REACT ang businessman at social media personality na si Xian Gaza nang makita nang malapitan ang content creator na si Whamos Cruz.
Nagtagpo ang landas ng dalawa sa Thailand kung saan nakabase si Xian at nagbabakasyon naman si Whamos kasama ang partner na si Antonette Gail.
Ipinost ni Whamos sa Facebook ang photo nilang tatlo na kuha sa Bangkok at nilakipan niya ng caption na, “So happy na meet namin ninong ni Meteor.”
Ninong si Xian sa binyag ng panganay nina Whamos at Antonette pero hindi ito nakadalo dahil wala siya noon sa bansa.
“Happy din ako, Mare at Pare. Marami akong natutunan sa inyo. Nawa’y marami din kayong napulot sa akin. God bless your family. Hanggang sa muli,” sagot naman ni Xian.
Sa kanyang latest Facebook post, sinabi ni Xian na marami raw ang na-curious kung ano ang itsura ni Whamos sa personal.
Pahayag ni Xian: “Sa mga nagtatanong kung pogi ba si Whamos sa personal, siya po ay mabait, very humble, business-minded at may busilak na kalooban.”
“No joke sa business-minded. Grabe utak sa negosyo. Nabigla ako. Labyu, Pare,” seryosong mensahe naman niya kay Whamos.
