NAGHAYAG ng pagkabahala ang Star Magic, ang talent management arm ng ABS-CBN, sa mga nararanasang pangha-harass ng ilang fans sa mga miyembro ng Pinoy pop group na BINI.
Sa video, pinaalahanan ni Star Magic head Laurenti Dyogi ang publiko na irespeto ang privacy ng kanilang mga artists.
“I was able to see some very disturbing videos. Some of our members who didn’t seem to enjoy their break from the very stressful three-night concert,” simula ni Dyogi.
“They went to a public place because they wanted to unwind and spend some time with their families. But unfortunately, naka-experience po sila ng hindi magaganda,” dugtong niya.
Wika ni Dyogi, hindi natuwa si BINI Maloi nang dumugin ito ng fans habang kumakain kasama ang kanyang pamilya sa restaurant.
“She went to a place where she was supposed to have dinner with her family pero hindi na niya po na-enjoy ‘yung dinner na ‘yun dahil po nagkaroon ng… People were so excited to see her so they asked for pictures and really disrupting the dinner that was supposed to be spent with the family,” sabi ni Dyogi.
Samantala, hindi rin maganda ang naranasan ni BINI Aiah nang magbakasyon ito sa Cebu. “Aiah also had a not-so-nice experience in Cebu where may isang lalaki, may isang fan who got so excited, nilapitan siya in a way that’s very improper,” kuwento ni direk Lauren.
Apela niya sa Blooms (fandom ng BINI) at sa publiko na huwag gambalain ang mga miyembro ng P-pop group sa kanilang personal time.
“Please also show respect to their privacy and personal space. Tao rin po sila, kailangan din po nilang makisalamuha sa ibang tao,” punto ng ABS-CBN executive. “Nakikiusap po ako dahil especially for Aiah, that experience was really disturbing. So, this is really a violation of the safe space act for women,” dagdag niya.
Star Magic sa publiko: Huwag i-stalk BINI members
