HINDI nagpadaig ang Pinay boxer na si Nesthy Petecio sa mas matangkad na Indian rival na Jaismine sa 57-kilogram category na laban nila sa 2024 Paris Olympics na ginanap Miyerkules ng madaling araw (Manila time).
Dahil dito, pasok si Petecio sa round-of-16 at makakaharap nito ang hometown bet at No.3 seed na Pranses na si Amina Zidani.
Sakaling matalo niya si Zidani, si Petecio, silver medalist sa 2021 Tokyo Olympics, ay uusad sa quarterfinals.
Si Zidani ay European Games gold medalist noong isang taon at nakapag-uwi rin ng bronze sa 2023 World Championships na isinagawa sa New Delhi, India.
