MAY mensahe ang aktor na si Xian Lim sa ex-girlfriend sakaling magkrus muli ang kanilang landas.
Sa segment ng “Family Feud” na “Kayo Naman ang Magtanong” ay inusisa ang mga guests, kabilang si Xian, ng “Kung makakasalubong mo ang ex mo, ano ang itatanong mo?”
Nagbigay ng sagot sina Sanya Lopez, Coleen Garcia at Faye Lorenzo at nang dumako kay Xian, sinabi nito na hindi siya magtatanong.
“Gusto ko rin mag-contribute. ‘Di ba para naman. . . kasi from a ladies’ point of view, from a guy’s point of view naman,” pasakalye niya.
“I think, ah, when you. . . ‘pag nakasalubong mo ang ex mo, you should say na, ‘I hope you do find the happiness that it is you’re looking for.’”
Hindi naman sinagot ni Xian ang hirit ni Sanya na “Nasabi mo na?”
“Ganoon lang, dapat masaya. ‘Di ba, dapat masaya kayo para sa isa’t isa? ‘Yun siya. ‘Di ba?” ani Xian.
“Always dapat in good terms,” dagdag pa niya.
